Asemblea xeral ordinaria 2016

A Xunta Directiva do Club informa a tod@s @s soci@s de que o sábado 17 de decembro as 19:00 h (en primeira e única convocatoria) no Albergue de Quiroga terá lugar a Asemblea Xeral do ano 2016 aberta a tod@s os soci@s e simpatizantes en xeral.

Os puntos da orde do día serán os seguintes:

  1. BALANCE DO ANO 2016.
  2. APROBACIÓN DAS CONTAS DO CLUB.
  3. COTAS PARA O ANO 2017.
  4. PLANIFICACIÓN DO ANO 2017.
  5. PREGUNTAS E SUXESTIÓNS.

Animamos a tod@s a participar activamente da Asemblea posto que é importante para o Club a participación dos seus socios e socias.

Calquera dúbida ou reflexión que queirades facerlle chegar á Xunta Directiva a mellor canle é: cmformigueiros@gmail.com

Cea de Nadal 2016

O día 17 de decembro, no Restaurante DIMAR de Quiroga, a partir das 22:00 h.

O menú ten un prezo de 20 € e consta de:

  • Primeiro: táboa de embutidos ibéricos, tostas de solombo con crocante de cebola e gambón á prancha con 2 salsas.
  • Segundo: costeleta de tenreira con salsa de boletus ou rodaballo con risotto de marisco.
  • Variado de sobremesa caseiros.
  • Bebidas: Mencía, Rioxa, Albariño, café, chupito ou Champán.

@s interesad@s debedes informar previamente para a correcta xestión das reservas, antes do día 14 de decembro, enviando un correo electrónico a este enderezo: cmformigueiros@gmail.com; no correo haberá que indicar que prato queremos de segundo.

Grazas!
Un saúdo
CM Formigueiros

Volvemos a Pena Trevinca (2.127 m)

O vindeiro 19 de novembro convidámosvos a unha ruta que aínda que xa a fixemos en maio do ano pasado, quedamos con ganas de repetila xa que daquela as adversas condicións climatolóxicas impediron que puidésemos gozar das espectaculares paisaxes da Serra do Eixe. Esta serra está situada na confluencia das provincias de Ourense, León e Zamora e nela tentaremos a ascensión aos tres cumios máis elevados da nosa terra.

Achegarémonos por estrada ata O Barco de Valdeorras para subir ata o alto da Fonde da Cova (situación) e desde alí colleremos a pista que leva ata a zona chamada A Cabrita (situación), onde se atopa unha canteira de pizarra. Desde alí comezaremos a camiñar cara a Pena Trevinca, cumio máis elevado de Galicia cos seus 2.127 m para volver pasando polos cumios de Pena Negra (2.121 m) e Pena Surbia (2.116 m)

Data: sábado 19 de novembro de 2016

Lugar de saída: Albergue de Quiroga ás 8:00 hrs. (usaremos os nosos propios medios para o desprazamento).

Disciplina: sendeirismo

Distancia aproximada: 17 km.

Desnivel acumulado aproximado (positivo e negativo): +800 -800

Dificultade: media-alta

Dirixida a: SOCIOS (IMPORTANTE: para calquera das actividades recoméndase dispoñer de licenza federativa ou seguro que cubra os riscos na práctica dos deportes na montaña).

Material necesario:

  • roupa e calzado axeitados para alta montaña e suficiente en función das previsións meteorolóxicas
  • mochila con auga e comida para toda a xornada
  • bastóns para camiñar (opcional)
  • en función da meteoroloxía prevista protección solar (gafas, crema solar, gorra/sombreiro…)
  • roupa de recambio

Inscrición: cumprimentar o seguinte FORMULARIO

Nota: estaremos atentos a previsión meteorolóxica xa que a idea é facer a ruta con bo tempo.

Ruta sobre o mapa topográfico do IGN (premer no mapa para velo a maior tamaño, recomendable velo nun PC):

Trevinca (desde Fonte da Cova)

Trevinca (desde Fonte da Cova)

Roteiro en formato GPX (para o que queira levar a ruta no GPS): premer aquí.

Ruta SOLIDARIA “Sonrisas Pelonas” na Serra do Courel

O vindeiro 6 de novembro convidamos a soci@s e público en xeral a realizar unha ruta cun fin solidario para colaborar coa asociación sen ánimo de lucro Sonrisas Pelonas, asociación de axuda a familias e nenos afectados polo cancro infantil. A idea da ruta e que poida ser apta para todo o mundo, acostumado a camiñar, e que poda ser feita por nenos, cada un deles acompañado por un adulto que en todo momento se faga responsable.

A ruta solidaria “Sonrisas pelonas” discorre polo camiño tradicional que vai de Seoane á Ferrería Nova, a partir deste punto collemos a ruta que leva a Mercurín e o Castro de Brío para visitar o Val das Mouras. Dende este punto baixaremos á Ferrería Vella para enlazar co Camiño Real e volver á Ferrería Nova e de novo polo mesmo camiño que no inicio, regresar a Seoane.

 

Data: domingo 6 de novembro de 2016

Lugar de saída: xuntarémonos en Seoane do Courel ás 10:30 hrs. A ruta comezará ás 11:00 hrs.

Chegada (estimada): 15:00 hrs. aproximadamente calculando paradas e un ritmo de 2 km/h pero depende d@s nen@s.

Disciplina: sendeirismo

Distancia aproximada: 6,5 km.

Desnivel acumulado aproximado (positivo e negativo): +400 -400 m

Dificultade: baixa

Dirixida a: soci@s e público en xeral

(IMPORTANTE: para calquera das actividades recoméndase dispoñer de licenza federativa ou seguro que cubra os riscos na práctica dos deportes na montaña).

Material necesario:

  • roupa e calzado axeitados para camiñar e suficiente en función das previsións meteorolóxicas
  • mochila pequena con bebida e comida.
  • bastóns para camiñar (opcional)
  • en función da meteoroloxía prevista protección solar (gafas, crema solar, gorra/sombreiro…)

Inscrición:

Nota: O custo da actividade será de 4 euros que incluirán un pequeno agasallo por parte da asociación para os participantes e a doazón para a mesma. Este diñeiro recollerase o propio día da ruta, onde estaremos cun pequeno posto de Sonrisas Pelonas e unha lista con todos os inscritos, ALBA recollerá o diñeiro e dará o agasallo aos que se animen a vir á ruta.

 

Ruta sobre o mapa topográfico do IGN (premer no mapa para velo a maior tamaño, recomendable velo nun PC):

Ruta solidaria "Sonrisas Pelonas"

Ruta solidaria “Sonrisas Pelonas”

Roteiro en formato GPX (para o que queira levar á ruta no GPS ou móbil): premer aquí.

Ascensión ao Pico Montihuero (2.180 m)

Despois de non poder acadar este cumio na ruta organizada para o pasado 17 de abril por mor da gran cantidade de neve que había, facemos un novo intento na que será a primeira ruta do club para este outono.

Trátase dunha espectacular ruta a unha montaña emblemática de Babia. A ruta elixida parte de La Cueta, que é a poboación máis alta da provincia de León (1.460 m) no concello de Cabrillanes. O itinerario elixido non é o máis común para este cumio, pero si un dos máis interesantes porque permite percorrer un bo número de picos por riba dos 2.000 m.

O itinerario é o seguinte: La Cueta – Pico la Crespa (2.057 m) – Peña Valgueiro (1.993 m) – Peña Redonda (2.137 m) – El Picón (2.086 m) – Montihuero (2.180 m) – Los Malvosinos (2.042 m) – Peña Los Años (2.157 m) – Collado Malvosinas – La Cueta.

Data: domingo 9 de outubro de 2016

Lugar de saída: Albergue de Quiroga ás 7:30 hrs. (usaremos os nosos propios medios para o desprazamento).

Chegada (estimada): 20:00 hrs.

Disciplina: sendeirismo

Distancia aproximada: 17 km.

Desnivel acumulado aproximado (positivo e negativo): +1.300 -1.300 m

Dificultade: alta

Dirixida a: socios (IMPORTANTE: para calquera das actividades recoméndase dispoñer de licenza federativa ou seguro que cubra os riscos na práctica dos deportes na montaña).

Material necesario:

  • roupa e calzado axeitados para alta montaña e suficiente en función das previsións meteorolóxicas
  • mochila con auga e comida para toda a xornada
  • bastóns para camiñar (opcional)
  • en función da meteoroloxía prevista protección solar (gafas, crema solar, gorra/sombreiro…)
  • roupa de recambio

Inscrición: cumprimentar o seguinte FORMULARIO

Nota: a ruta poderá ser modificada en función das condicións climatolóxicas e das condicións da neve na montaña.

Ruta sobre o mapa topográfico do IGN (premer no mapa para velo a maior tamaño, recomendable velo nun PC):

Pico Montihuero (desde La Cueta)

Pico Montihuero (desde La Cueta)

Roteiro en formato GPX (para o que queira levar á ruta no GPS ou móbil): premer aquí.

Parque Nacional de Ordesa e Monte Perdido

Despois destes meses de inactividade estival no club, convidámosvos aos Pirineos para visitar o Parque Nacional de Ordesa e Monte Perdido realizando dous días intensos de actividade en montaña.

Datas: xoves 20 – domingo 23 de outubro de 2016

Lugar de saída: Albergue de Quiroga non máis tarde das 18:00 hrs. (usaremos os nosos propios medios para o desprazamento). Posibilidade de saír dende outros puntos en función dos participantes.

Disciplina: sendeirismo

Distancia aproximada:

– Venres 21: 11,6 km.
– Sábado 22: 12,9 km. (refuxio – Brecha de Rolando – refuxio) + 12,9 km. (refuxio – Pradeira de Ordesa)

Desnivel acumulado aproximado (positivo e negativo):

– Venres 21: +980 -50
– Sábado 22: +700 -700 (refuxio – Brecha de Rolando) / +450 -1.320 (refuxio – Pradeira de Ordesa (pola senda dos cazadores))

Dificultade: alta

Dirixida a: socios (IMPORTANTE: para calquera das actividades recoméndase dispor de licenza federativa ou seguro que cubra os riscos na práctica dos deportes na montaña).

Material necesario:

  • roupa e calzado axeitados para alta montaña (aínda que a actividade que imos a realizar non presenta dificultades técnicas salientables (si puntuais), discorre integramente por alta montaña; isto quere dicir que temos que ir preparados con todo o noso equipo que debe incluír, obrigatoriamente, roupa de abrigo, roupa para auga, protección para cabeza, ollos e mans, etc. cousas que xa sabedes e que iremos comentando).
  • mochila con recipiente para a bebida (por exemplo entre o refuxio de Góriz e a brecha é difícil atopar auga, polo que teremos que levala dende o refuxio) e comidas para os dous días de actividade (cousas de transporte doado pero iso xa depende dos gustos de cada un e do que estea disposto a portar).
  • saco para durmir no refuxio de Góriz (recomendable), non fai falla que sexa un “supersaco” xa que normalmente nos refuxios de montaña vai bastante calor polas noites.
  • bastóns para camiñar (recomendable)
  • en función da meteoroloxía prevista protección solar (gafas, crema solar, gorra/sombreiro…)
  • roupa de recambio

Inscrición: cumprimentar o seguinte FORMULARIO

Nota: a ruta poderá ser modificada en función das condicións meteorolóxicas.

 

PROGRAMACIÓN

Día 1 (xoves 20 de outubro). Quiroga – Torla (Huesca)

Viaxe con destino a Torla. Aínda que non hai establecida ningunha hora, dependerá sempre da dispoñibilidade dos participantes. Temos que procurar non saír moito máis tarde das 18:00 h. O ideal, para ir completando coches e non ter que levar demasiados sería que todos partíramos de Quiroga. De Quiroga a Torla hai 738 Km e pódese facer máis ou menos en 7h 30′. En Torla pasaremos a noite nun albergue que está por determinar.

 

Día 2 (venres 21 de outubro). Pradeira de Ordesa (1.320 m) – refuxio de Góriz (2.200 m)

Pradeira de Ordesa – Circo de Soaso (3 horas e media – 4 horas).

Partimos da zona coñecida como a Pradeira, onde nos deixa o autobús de Torla ou os nosos coches. Remontamos o val de Ordesa por unha pista cara o Circo de Soaso que segue o curso do río Arazas. Esta é a ruta máis cómoda para chegar á fervenza da Cola de Cabalo e tamén a máis transitada. Cando levamos percorridos uns metros por esta pista, un cartel indícanos unha bifurcación cara a Senda dos Cazadores (pola que baixaremos á volta se temos ganas). Seguimos camiñando pola pista para atopar outra bifurcación que sube cara Cotatuero. Deixámola tamén a esquerda e a pista segue internándose nun faial, deixando a dereita as fervenzas de Arripas e da Cova. Neste punto, a pista aumenta o seu desnivel e gaña altura rapidamente, pasando preto dunha caseta que fai as veces de refuxio. Á nosa dereita saen un par de sendeiros que nos achegan á cachoeira do Estrecho.

Dende aquí, a pista discorre por unha zona de pradeira ata acadar as Gradas de Soaso, onde acaba a pista e comeza un sendeiro que sube ata o fondo do circo. Antes de chegar á Cola de Cabalo pasaremos un refuxio e un par de pontes de metal. A Cola de Cabalo e unha cachoeira formada polas augas que baixan polo barranco de Góriz.

Circo de Soaso – Refuxio de Góriz (1 hora e media).

Un pouco antes de chegar á famosa Cola de Cabalo, á dereita do río Arazas, hai un cruzamento sinalizado polo que podemos subir ao refuxio. Temos dúas opcións que valoraremos entre todos:

  1. Subir polas caravillas, máis curto, pero tendo que trepar un pouco.
  2. Subir polo camiño vello, que serpea pola ladeira do circo, máis largo, pero que é só camiñar (seguro que será a mellor opción pero valorarase).

Os dous camiños xúntanse un pouco máis arriba, e o sendeiro segue subindo ata acadar unha zona de pradeira onde se asenta o refuxio de Góriz.

Noite no refuxio de Góriz. Onde faremos a cea deste día e o almorzo do día seguinte.

Ruta sobre o mapa topográfico do IGN (premer no mapa para velo a maior tamaño, recomendable velo nun PC):

Pradeira de Ordesa - refuxio de Góriz (polas caravillas)

Pradeira de Ordesa – refuxio de Góriz (polas caravillas)

Percorrido en formato GPX (para o que queira levar á ruta no GPS ou móbil): premer aquí.

Pradeira de Ordesa - refuxio de Góriz (polo camiño vello)

Pradeira de Ordesa – refuxio de Góriz (polo camiño vello)

Percorrido en formato GPX (para o que queira levar á ruta no GPS ou móbil): premer aquí.

 

Día 3 (sábado 22 de outubro). Refuxio de Góriz (2.200 m) – Brecha de Rolando (2.807 m) – refuxio de Góriz (2.200 m) – Pradeira de Ordesa (1.320 m) – Torla

Refuxio de Góriz – Brecha de Rolando – refuxio de Góriz (3 horas e media – 4 horas).

  • Refuxio de Góriz – Cuello de Millaris (1 hora e media)

Moi cedo, entre as 4 h e as 5 h, sairemos de Góriz en dirección noroeste atravesando o barranco do mesmo nome. Despois dun pequeno treito empinado, imos por unha zona chan deixando o circo de Góriz a esquerda, transitando por unha zona coñecida como faixa Luenga. Pola faixa acadamos unha depresión normalmente con auga e volvemos a subir ata unha zona característica con moitas pedras planas de pequeno tamaño; é a zona coñecida como “cuello de Millaris“. Diante de nós hai unha zona fonda coñecida como “plana de San Ferlús“.

  • Cuello de Millaris – Cova xeada de Casteret – Brecha de Rolando (2 horas)

Rodeamos a “plana de San Ferlús” pola dereita, por un sendeiro que sube continuamente, suave primeiro e máis empinado despois. Despois de trepar un pouco e deixar a esquerda a golada do Descargador, vemos a Brecha de Rolando. Uns metros máis arriba está a gruta xeada de Casteret, descuberta no 1926 por Norberto Casteret. Na actualidade a cova é zona protexida e o seu acceso está prohibido.

Despois de deixar atrás a cova e atravesar varios neveiros (depende) chegamos ao paso dos Sarrios, equipado cunha cadea ancorada na rocha. Despois do paso dos Sarrios subimos á Brecha, un cortado na crista de 40 metros de ancho por 100 de alto.

  • Brecha de Rolando – Pico Taillón (3.140 m) (1 hora e media) (este tramo realizarase dependendo das condicións da montaña e sobre todo de como nos atopemos tendo en conta que nesta xornada hai que baixar de novo á Pradeira de Ordesa despois de recoller as nosas cousas no Refuxio de Góriz).

O camiño segue pola vertente española ata a falsa brecha, rodea o Dedo e sube ao Taillón por un canchal ben marcado. Dende o Taillón hai boa vista do macizo do Monte Perdido polo este e do Vignemale polo oeste.

  • Brecha de Rolando – refuxio de Góriz. (en 2 h e media deberiamos estar de volta seguindo a mesma ruta que na subida).

Ruta sobre o mapa topográfico do IGN (premer no mapa para velo a maior tamaño, recomendable velo nun PC):

Refuxio de Góriz - Brecha de Rolando - refuxio de Góriz

Refuxio de Góriz – Brecha de Rolando – refuxio de Góriz

Percorrido en formato GPX (para o que queira levar á ruta no GPS ou móbil): premer aquí.

Refuxio de Góriz – Pradeira de Ordesa (3 horas máis ou menos).

En principio baixaremos pola mesma ruta que na subida pero dependendo do estado do grupo e de como nos atopemos podemos optar por outra opción que é baixar pola coñecida e espectacular Senda dos Cazadores. Unha vez no Circo de Soaso decidiremos entre todos.

Noite en albergue en Torla despois dunha xornada longa e intensa que non nos deixará indiferentes.

Ruta sobre o mapa topográfico do IGN (premer no mapa para velo a maior tamaño, recomendable velo nun PC):

Refuxio de Góriz - Pradeira de Ordesa (pola senda dos Cazadores)

Refuxio de Góriz – Pradeira de Ordesa (pola senda dos Cazadores)

Percorrido en formato GPX (para o que queira levar á ruta no GPS ou móbil): premer aquí.

 

Día 4 (domingo 23 de outubro). Torla (Huesca) – Quiroga

Con moita calma, despois de dous días intensísimos de montaña, emprenderemos o regreso para non chegar demasiado tarde á casa.

Ruta polo faial de Busmayor e ascensión ao Pico Faro (1.615 m)

O día 17 é o Día Das Letras Galegas, así que aproveitando a data, dende o club propoñémosvos unha visita ao Bierzo para coñecer o Bosque de faias de Busmayor.

A actividade comeza e remata neste pobo pertencente ao concello de Barjas. Iremos ata o final do pobo onde atoparemos un panel explicativo coa fauna e a flora do bosque e máis adiante outro indicando a ruta. Será un fermoso percorrido aledando a nosa vista coa riqueza botánica do bosque (faias, acivros, bidueiros, etc.) e as pequenas fervenzas que contén, entre elas a ”Frevencia do Beiro”. Veremos tamén a pequena “Cova da Raposa”, que serviu de refuxio durante a guerra civil. Despois continuaremos pola “Senda do Faxeiral” ata chegarmos á “Piedra de Los Poetas”, un lugar espectacular no que se abre un claro dentro do bosque e onde cada ano polo mes de agosto se reúnen uns cantos poetas bercianos a ler poesías. Alí nós leremos tamén unha poesía de Manuel María, o homenaxeado este ano polo Día das Letras Galegas.

Despois visitaremos outra pequena fervenza e logo, se a maleza o permite, tentaremos chegar ata a “Cova de Veigadecima”. Volveremos un pouco sobre os nosos pasos e subiremos por unha pista cara ao cordal que limita a provincia de Lugo co Bierzo, chegando ata o “Chao do Marco”, a 1.461 m de altura. Continuaremos polo cordal ata subir ao pico “Faro” de 1.615 m, un dos cumios máis altos e menos coñecidos do Courel, dende onde poderemos deleitar os sentidos contemplando pobos, vales e picos coma o Formigueiros, Peña del Seo, etc. Se o tempo o permite comeremos alí no cumio. Despois descenderemos polo cordal ata o “Campo Gamoal” (1.501 m), no que se conserva un vello pluviómetro, para logo baixar por unha pista que pasa por un merendeiro e un miradoiro dende o que poderemos botar unha ollada ao pobo de Busmayor. Despois atoparemos unha fonte e xa pouco a pouco chegaremos de novo ata o punto de partida.

Data: martes 17 de maio de 2016 (día das Letras Galegas)

Lugar de saída: Albergue de Quiroga ás 8:30 hrs. (usaremos os nosos propios medios para o desprazamento).

Chegada (estimada): 19:00 hrs.

Disciplina: sendeirismo

Distancia aproximada: 11 km.

Desnivel acumulado aproximado (positivo e negativo): +650 -650 m

Dificultade: media

Dirixida a: socios (IMPORTANTE: para calquera das actividades recoméndase dispoñer de licenza federativa ou seguro que cubra os riscos na práctica dos deportes na montaña).

Material necesario:

  • roupa e calzado axeitados para montaña e suficiente en función das previsións meteorolóxicas
  • mochila con auga e comida para toda a xornada
  • bastóns para camiñar (opcional)
  • en función da meteoroloxía prevista protección solar (gafas, crema solar, gorra/sombreiro…)
  • roupa e calzado de recambio

Inscrición: cumprimentar o seguinte FORMULARIO

Notas:

  1. A ruta poderá ser modificada ou suspendida en función das condicións climatolóxicas.
  2. Aínda que a ruta está algo sinalizada, o percorrido polo seu interior non é doado, xa que hai varias posibles opcións de ruta que se mesturan na sinalización e poden levar á confusión, ademáis de que pode haber maleza nalgunhas zonas. Pero coa sinalización e a axuda dos medios tecnolóxicos buscarase o camiño máis axeitado.
  3. Vaise levar unha poesía de Manuel María para ler, pero se alguén ten predilección por algunha obra do escritor en concreto, convidámolo a que a leve para lela alí.

Ruta sobre o mapa topográfico do IGN (premer no mapa para velo a maior tamaño, recomendable velo nun PC):

Ruta do faial de Busmayor e Pico Faro

Ruta do faial de Busmayor e Pico Faro

Roteiro en formato GPX (para o que queira levar á ruta no GPS ou móbil): premer aquí (o roteiro ten 9 km. no canto dos 11 previstos porque non inclúe o tramo ata a cova de Veigadecima).

Ascensión ao Pico Montihuero (2.180 m)

Espectacular ruta a unha montaña emblemática de Babia. A ruta elixida parte de La Cueta, que é a poboación máis alta da provincia de León (1.460 m) no concello de Cabrillanes. O itinerario elixido non é o máis común para este cumio, pero si un dos máis interesantes porque permite percorrer un bo número de picos por riba dos 2.000 m.

O itinerario é o seguinte: La Cueta – Pico la Crespa (2.057 m) – Peña Valgueiro (1.993 m) – Peña Redonda (2.137 m) – El Picón (2.086 m) – Montihuero (2.180 m) – Los Malvosinos (2.042 m) – Peña Los Años (2.157 m) – Collado Malvosinas – La Cueta.

Data: domingo 17 de abril de 2016

Lugar de saída: Albergue de Quiroga ás 7:30 hrs. (usaremos os nosos propios medios para o desprazamento).

Chegada (estimada): 20:00 hrs.

Disciplina: sendeirismo

Distancia aproximada: 17 km.

Desnivel acumulado aproximado (positivo e negativo): +1.300 -1.300 m

Dificultade: alta

Dirixida a: socios (IMPORTANTE: para calquera das actividades recoméndase dispoñer de licenza federativa ou seguro que cubra os riscos na práctica dos deportes na montaña).

Material necesario:

  • roupa e calzado axeitados para alta montaña e suficiente en función das previsións meteorolóxicas
  • mochila con auga e comida para toda a xornada
  • bastóns para camiñar (opcional)
  • en función da meteoroloxía prevista protección solar (gafas, crema solar, gorra/sombreiro…)
  • roupa de recambio

Inscrición: cumprimentar o seguinte FORMULARIO

Nota: a ruta poderá ser modificada en función das condicións climatolóxicas e das condicións da neve na montaña.

Ruta sobre o mapa topográfico do IGN (premer no mapa para velo a maior tamaño, recomendable velo nun PC):

Pico Montihuero (desde La Cueta)

Pico Montihuero (desde La Cueta)

Roteiro en formato GPX (para o que queira levar á ruta no GPS ou móbil): premer aquí.

Roteiro Manuel María e os sonetos ao Val de Quiroga: San Clodio – Os Novais

Ruta de sendeirismo organizada polo DEPARTAMENTO DE LINGUAS DO CAFI (CENTRO AUTONÓMICO DE FORMACIÓN E INNOVACIÓN), na que colabora o Club de Montaña Formigueiros.

O roteiro pretende percorrer os lugares dos que fala a obra de Manuel María “Sonetos ao Val de Quiroga”. Daquela percorreremos: San Clodio, Quiroga, Pacios de Mondelo, A Ermida, Barxa, Arxubín, Lamela, A Veiguiña, A Rodela, Carballo do Hospital, Vilañán, O Souto, O Hospital, San Xulián de Arriba, Caspedro, O Castelo e Os Novais.

O percorrido inclúe as visitas ao Museo Xeolóxico de Quiroga, a Igrexa da Ermida e a Igrexa do Hospital, así como paradas nos lugares dende os que se pode ofrecer algunha explicación sobre o noso entorno, ou aqueles que están relacionados con algún dos sonetos do libro de Manuel María.

Data: sábado 9 de abril de 2016

Lugar de saída: Ponte vella de San Clodio (hora de saída por confirmar).

Chegada (estimada): por confirmar (dependendo da hora de saída).

Disciplina: sendeirismo

Distancia aproximada: 18,4 km.

Desnivel acumulado aproximado (positivo e negativo): +628 -560 m

Dificultade: media

Dirixida a: público en xeral

(IMPORTANTE: para calquera das actividades recoméndase dispoñer de licenza federativa ou seguro que cubra os riscos na práctica dos deportes na montaña).

Material necesario:

  • roupa e calzado axeitados para camiñar e suficiente en función das previsións meteorolóxicas
  • mochila pequena coa bebida e comida xa que a ruta durará toda a xornada.
  • bastóns para camiñar (opcional)
  • en función da meteoroloxía prevista protección solar (gafas, crema solar, gorra/sombreiro…)

Inscrición: cumprimentar o seguinte FORMULARIO.

Ruta sobre o mapa topográfico do IGN (premer no mapa para velo a maior tamaño, recomendable velo nun PC):

Roteiro Manuel María e os sonetos ao Val de Quiroga

Roteiro Manuel María e os sonetos ao Val de Quiroga

Roteiro en formato GPX (para o que queira levar á ruta no GPS ou móbil): premer aquí.

Ruta do Val do Río Quiroga

Ruta de sendeirismo que percorre unha pista de terra paralela ao río Quiroga ata chegar á aldea de Casa do Vello. Desde aquí ascendemos por un sendeiro que nos leva á ermida de San Xoán, e descendemos polo val do río Pacios ata chegar ao pobo de As Barxas.

Saíndo de As Barxas, o camiño atravesa unha carballeira e atoparemos dúas alvarizas ben conservadas. Só nos queda chegar á desembocadura do río Pacios no río Quiroga. Poderemos volver comodamente ao inicio da ruta tomando a pista de terra que percorremos inicialmente.

Data: domingo 3 de abril de 2016

Lugar de saída: Albergue de Quiroga ás 10:00 hrs. (usaremos os nosos propios medios para o desprazamento).

Chegada (estimada): 13:00 hrs.

Disciplina: sendeirismo

Distancia aproximada: 9,5 km.

Desnivel acumulado aproximado (positivo e negativo): +360 -360 m

Dificultade: media-baixa

M.I.D.E.:

PR-G 180 Ruta da Cubela

PR-G 193 Ruta do Val do Río Quiroga

Dirixida a: socios (IMPORTANTE: para calquera das actividades recoméndase dispoñer de licenza federativa ou seguro que cubra os riscos na práctica dos deportes na montaña).

Material necesario:

  • roupa e calzado axeitados para camiñar e suficiente en función das previsións meteorolóxicas
  • mochila pequena con auga e algo de comida
  • bastóns para camiñar (opcional)
  • en función da meteoroloxía prevista protección solar (gafas, crema solar, gorra/sombreiro…)

Inscrición: cumprimentar o seguinte FORMULARIO.

Ruta sobre o mapa topográfico do IGN (premer no mapa para velo a maior tamaño, recomendable velo nun PC):

PR-G 193 Ruta do Val do Río Quiroga

PR-G 193 Ruta do Val do Río Quiroga

Cartografía IGN 1:25.000: 156-IV, 157-III, 189-II

Roteiro en formato GPX (para o que queira levar á ruta no GPS ou móbil): premer aquí.