II Xeoruta do sinclinal da Serra do Courel: Leixazós – Quiroga

O vindeiro sábado 3 de xuño o Museo Xeolóxico do Concello de Quiroga organiza a II Xeoruta polo Sinclinal da Serra do Courel.

Dende o Club de Montaña queremos dar difusión a esta actividade e participar dela como xesto o gran traballo que desde esta organización se está a facer no ámbito da conservación e difusión do patrimonio xeolóxico da Serra o Courel e a Comarca de Quiroga (que abrangue os Concellos de Folgoso do Courel, Quiroga e Ribas de Sil). Proba desto é o proxecto que se está a levar a cabo para a creación dun Xeoparque (COUREL MOUNTAINS GEOPARK) amparado pola UNESCO (que sería o primeiro destas características en Galicia).

A actividade iníciase no Museo Xeolóxico de Quiroga cunha visita que dura sobre 30’. Sobre ás 10:30 h, sairemos cara o miradoiro de Campodola onde pararemos sobre 10’, logo xa ata o desvío que baixa a Leixazós onde arranca a andaina polo sendeiro homologado PR-G 192. Pasaremos por Leixazós e percorreremos o magnífico sendeiro que vai pola marxe dereita do río Ferreiriño con paradas en varias fervenzas espectaculares como a do Botán, logo pasaremos baixo a charnela do Sinclinal da Serra do Caurel (Monumento Natural e Punto de interese xeolóxico Internacional). Ascenderemos suavemente cara o alto do Castelín para dende alí baixar cara a Arxubín e Barxa, logo pola Gandara Cha da Ermida e o Regueiral de novo a Quiroga.

 

Data: sábado 3 de xuño de 2017

Lugar de saída:

MUSEO XEOLÓXICO DE QUIROGA, NA RÚA DO CAUREL AO CARÓN DO CÁRCERE VELLO. Podemos usar os nosos coches para desprazarnos. A organización da Xeoruta ten previsto un autobús que levará aos/as participante ata Leixazós, o prezo de inscrición nesta modalidade estará entre 5-10 €. É a opción máis cómoda.

Disciplina: sendeirismo

Distancia aproximada: 11 km.

Desnivel acumulado aproximado (positivo e negativo): +73m -458m

Dificultade: baixa

Dirixida a: aberto ó público en xeral

*Recomendase dispoñer nas saídas da licenza federativa ou seguro que cubra os riscos na práctica dos deportes na montaña.

Material necesario:

ROUPA ADECUADA PARA UNHA CAMIÑATA CÓMODA PERO POR UN SENDEIRO DE MONTAÑA. AUGA NECESARIA E ALGO PARA COMER A MEDIA MAÑÁ. A IDEA E REGRESAR A COMER A QUIROGA.

photo_2017-05-11_19-58-21

Alto de La Cañada (2.157m)

O vindeiro domingo 21 de maio imos de novo a Babia cunha espectacular ruta pola Serra de Villabandín, xa na alta Babia.

Comezaremos a ruta en Riolago de Babia, deixaremos os coches no aparcadoiro á entrada da vila xunto á igrexa. Cruzamos a vila en dirección sur, a 500 m aproximadamente da saída desviámonos polo camiño da dereita cara La Güeriza e bordeándoa pola parte norte de Peña Blanca chegaremos a unha golada a 1.734 m, dende aquí seguimos un camiño que nos leva a La Braña Vieja. Dende aquí subiremos polo monte ata La Braña Vieja (2.029 m) para continuar por todo o cordal ata o Alto de Terreiros (2.061 m), Peña la Arena (2.116 m), Rabinalto (2.117 m) e Alto de La Cañada (2.157 m).

Para baixar seguiremos polo cordal ata o Pico la Ferrera (2.122 m) onde colleremos un sendeiro que nos baixa ata a Laguna del Lago e o Lago Chao, dende aquí por un camiño que se confunde co regato, dependendo do caudal, ata enlazar co camiño de Las Brañas que nos deixa de novo en Riolago de Babia.

 

Data: domingo 21 de maio de 2017

Lugar de saída: Albergue de Quiroga ás 7:30 hrs. (usaremos os nosos propios medios para o desprazamento).

Disciplina: sendeirismo

Distancia aproximada: 20 km.

Desnivel acumulado aproximado (positivo e negativo): +1218m -1218m

Dificultade: alta

Dirixida a: SOCIOS/AS.

*Recomendase dispoñer nas saídas da licenza federativa ou seguro que cubra os riscos na práctica dos deportes na montaña.

Material necesario:

  • roupa e calzado axeitados para alta montaña (estaremos por riba dos 2000m) e suficiente en función das previsións meteorolóxicas
  • mochila con auga e comida para toda a xornada
  • bastóns para camiñar (opcional)
  • en función da meteoroloxía prevista protección solar (gafas, crema solar, gorra/sombreiro…)
  • roupa de recambio

Inscrición: cumprimentar o seguinte FORMULARIO

Ruta sobre o mapa topográfico do IGN (premer no mapa para velo a maior tamaño, recomendable velo nun PC):

Alto de La Cañada (desde Riolago de Babia)

Alto de La Cañada (desde Riolago de Babia)

Roteiro en formato .gpx (para o que queira levar a ruta no GPS): premer aquí.

Ruta circular a Sobredo

O vindeiro domingo 23 de abril imos de novo ao Courel.

Deixamos os coches no Castro da Torre e baixamos ata o camiño antigo que vai pola beira do Lor ata a ponte de Traspando (faremos unha parada no Castro de Foucellas) e seguiremos ata a ponte de Traspando para xirar á dereita cara o val do río Lóuzara dirección Lousadela/Seceda; veremos neste tramo as fervenzas de Xogateiras e a Ferrería de Lousadela co seu acueduto para logo ir gañando altura cara Seceda. En Seceda tomaremos as pistas que nos levan cara a Veiga das Arcas e pecharemos a ruta outra vez en Sobredo.

Opcionalmente quen queira pode quedar en Seceda (neste caso a ruta sería de 12 km) levando o coche ata a entrada do pobo (dende Seceda a Sobredo hai 5 minutos de coche).

Data: domingo 23 de abril de 2017

Lugar de saída: Albergue de Quiroga ás 9:00 hrs. (usaremos os nosos propios medios para o desprazamento).

Disciplina: sendeirismo

Distancia aproximada: 20 km.

Desnivel acumulado aproximado (positivo e negativo): +500 -500

Dificultade: media

Dirixida a: SOCIOS/AS.

Material necesario:

  • roupa e calzado axeitados para montaña e suficiente en función das previsións meteorolóxicas
  • mochila con auga e comida para toda a xornada
  • bastóns para camiñar (opcional)
  • en función da meteoroloxía prevista protección solar (gafas, crema solar, gorra/sombreiro…)
  • roupa de recambio

Inscrición: cumprimentar o seguinte FORMULARIO

Ruta da Devesa do Cervo, arestas de Montouto e Rinán

O vindeiro 26 de marzo, convidámosvos novamente á Devesa do Cervo e o Pico Montouto, paraxe que nos segue parecendo insuficientemente coñecido ao tempo que de singular beleza.

Saíndo dende Outeiro faremos unha ruta circular que sortea un desnivel importante atravesando a Devesa do Cervo, chegando a superar os 1.500 m. Durante a etapa teremos ocasión de contemplar as vistas que nos ofrece o Montouto da Serra dos Cabalos e da parte sueste da propia Serra do Courel, xa no límite cos nosos veciños de Castela e León.

Un magnífico lugar para dala benvida á nova estación 🙂

Data: domingo 26 de marzo de 2017

Lugar de saída: Albergue de Quiroga ás 9:00 hrs. (usaremos os nosos propios medios para o desprazamento).

Disciplina: sendeirismo

Distancia aproximada: 21 km.

Desnivel acumulado aproximado (positivo e negativo): +1500 -1500

Dificultade: alta

Dirixida a: SOCIOS/AS CON LICENZA OU SEGURO.

Material necesario:

  • roupa e calzado axeitados para alta montaña e suficiente en función das previsións meteorolóxicas
  • mochila con auga e comida para toda a xornada
  • bastóns para camiñar (opcional)
  • en función da meteoroloxía prevista protección solar (gafas, crema solar, gorra/sombreiro…)
  • roupa de recambio

Inscrición: cumprimentar o seguinte FORMULARIO

Ruta sobre o mapa topográfico do IGN (premer no mapa para velo a maior tamaño, recomendable velo nun PC):

Devesa do Cervo, arestas de Montouto e Rinán

Devesa do Cervo, arestas de Montouto e Rinán

Roteiro en formato .gpx (para o que queira levar a ruta no GPS): premer aquí.

Ruta de Penaboa

O vindeiro 11 de marzo convidámosvos á Ruta de Penaboa, que pasa por ser unha das mais transitadas polo Courel nestes últimos anos, no so pola dureza da mesma senón polas espectaculares vistas da Serra do Courel, sobre todo dende o miradoiro.

Data: sábado 11 de marzo de 2017

Lugar de saída: Albergue de Quiroga ás 9:00 hrs. ou Ferreirós de Abaixo ás 10:00h (usaremos os nosos propios medios para o desprazamento).

Disciplina: sendeirismo

Distancia aproximada: 16 km (entre 6 e 8,5 horas de actividade prevista).

Desnivel acumulado aproximado (positivo e negativo): +1250 -1250

Dificultade: alta

Dirixida a: SOCIOS/AS CON LICENZA OU SEGURO.

Material necesario:

  • roupa e calzado axeitados para alta montaña e suficiente en función das previsións meteorolóxicas
  • mochila con auga e comida para toda a xornada
  • bastóns para camiñar (opcional)
  • en función da meteoroloxía prevista protección solar (gafas, crema solar, gorra/sombreiro…)
  • roupa de recambio

Inscrición: cumprimentar o seguinte FORMULARIO

Notas: non se recomenda esta actividade a nenos (<12 anos). A aresta de Penaboa pode entrañar certo malestar a persoas con algún tipo de vertixe. Existen zonas de forte pendente.

Alternativa por si vai mal tempo (que se decidirá sobre o propio terreo): Folgoso – Traspando – Sudrios – Castro de Foucellas – Sobredo – Ponte do Porto – Folgoso 14 km., dificultade baixa.

Ruta sobre o mapa topográfico do IGN (premer no mapa para velo a maior tamaño, recomendable velo nun PC):

Ruta de Penaboa

Ruta de Penaboa

Roteiro en formato .gpx (para o que queira levar a ruta no GPS): premer aquí.

3º Aniversario do CM Formigueiros

Ruta circular con saída dende Moreda dirección Formigueiros por unha das vías menos transitadas que nos levará ata Formigueiros, baixada cara das Fontes da Rogueira saíndo dirección Moreda pola Devesa da Rogueira. (nota importante: dependendo das condicións, sobre o terreo valoraremos a posibilidade de variar o percorrido).

Data: sábado 21 de xaneiro de 2017.

Lugar de saída: Albergue de Quiroga ás 9:00 hrs. (usaremos os nosos propios medios para o desprazamento).

Chegada (estimada): 16:00 hrs.

Disciplina: sendeirismo

Distancia aproximada: 9 km.

Desnivel acumulado aproximado (positivo e negativo): +1.000 -1.000 m

Dificultade: media

Dirixida a: socios

Necesaria licenza ou seguro privado: non

Material necesario:

  • roupa e calzado axeitados para montaña e suficiente en función das previsións meteorolóxicas
  • mochila con auga e comida
  • bastóns para camiñar (opcional)
  • protección solar (gafas, crema solar, gorra/sombreiro…)

Inscrición: cumprimentar o seguinte FORMULARIO

Roteiro en formato GPX (para o que queira levar a ruta no GPS ou móbil): premer aquí.

Asemblea xeral ordinaria 2016: resumo e presentación para descargar

Como resultado da asemblea xeral do pasado sábado 17,  podemos destacar o seguinte:

  • As cotas 2017 para @s soci@s que domicilien o pago serán de 6 € para @s adult@s e 3 € para @s xuvenís (12 a 18 anos), menores de 12 gratis.
  • As cotas 2017 para aqueles/as soci@s que non domicilien o pago serán de 10 € para @s adult@s e 5 € para @s xuvenís.
  • O prazo para renovarse como soci@ remata o 28 de febreiro 2017.
  • As contas do ano 2016 quedan aprobadas cun resultado positivo de 253,87 €.
  • O orzamento do ano 2017 queda aprobado.

A primeira remesa de licenzas farase o 31/12/2016, @s interesad@s deberán ingresar o importe antes desa data. IMPORTANTE poderase domiciliar xunto coa cota anual o pago la licenza, pero solo se tramitarán as licenzas que se ingresen antes da data da remesa, polo tanto a domiciliación a través do SEPA tedes que facela (e achegala o Club) antes do día 30. CONSELLO ingresar ou transferir os cartos da licenza xa e deixar a domiciliación do pago da cota de socio para mais adiante (tedes de prazo ata finais de febreiro).

Podedes descargar aquí a presentación detallada da Asemblea: PRESENTACIÓN ASEMBLEA XERAL 2016

Aproveitamos para desexarvos bo nadal e que o 2017 sexa un ano cheo de montañas!!
Un saúdo

CM Formigueiros

Domiciliación da cota do club

Dende a directiva do Club de Montaña Formigueiros infórmase a tod@s @s soci@s que para facilitar as tarefas burocráticas que se realizan dende o club, este ano preténdese que todos @s soci@s domicilien a súa cota anual. Para facilitar este sinxelo trámite que aforra moito traballo tedes á vosa disposición o modelo para autorizar que se cargue na vosa conta a cota anual correspondente.

Este impreso (MODELO SEPA), imprescindible para que o voso banco nos autorice a facer o cargo, podédelo descargar premendo sobre a seguinte ligazón:

MODELO DE AUTORIZACIÓN PARA CARGO BANCARIO (MODELO SEPA)

Ou se alguén o prefire tamén está á vosa disposición na oficina do Albergue Municipal de Quiroga (podédesllo pedir a Guillermo ou a Mary, que sempre andan por alí).

É moi importante que por calquera dos medios que se poñen á vosa disposición vaiades facendo entrega do modelo cuberto para axilizar os trámites de primeiros de ano. Un bo momento será a Asemblea Ordinaria do Club (sábado 17 de decembro, 19:00 h, Albergue Municipal de Quiroga) ou na posterior cea de Nadal.

 

Licenza da Federación Galega de Montaña 2017

Información sobre os prezos da licenza da FGM para o ano 2017. Toda a información que proporcionan sobre este tema está nesta ligazón.

PREZO LICENZA FGM 2017

 

Asemblea xeral ordinaria 2016

A Xunta Directiva do Club informa a tod@s @s soci@s de que o sábado 17 de decembro as 19:00 h (en primeira e única convocatoria) no Albergue de Quiroga terá lugar a Asemblea Xeral do ano 2016 aberta a tod@s os soci@s e simpatizantes en xeral.

Os puntos da orde do día serán os seguintes:

  1. BALANCE DO ANO 2016.
  2. APROBACIÓN DAS CONTAS DO CLUB.
  3. COTAS PARA O ANO 2017.
  4. PLANIFICACIÓN DO ANO 2017.
  5. PREGUNTAS E SUXESTIÓNS.

Animamos a tod@s a participar activamente da Asemblea posto que é importante para o Club a participación dos seus socios e socias.

Calquera dúbida ou reflexión que queirades facerlle chegar á Xunta Directiva a mellor canle é: cmformigueiros@gmail.com